Հարգելի Sergey, բարև Ձեզ: Քորն այնքան էլ բնորոշ չէ թութքին: Քոր դիտվում է ճիճվային հիվանդությունների դեպքում, կամ կարող է նյարդային բնույթ ունենալ:

Հարգելի Anna, բարև Ձեզ: Այո, սկզբնական փուլերում առանց վիրահատության հնարավոր է լիարժեք բուժել թութքը: Հարկավոր է հրաժարվել կոշտ, կծու, գրգռող սնունդից: Հարկավոր է օգտագործել անգիոպրոտեկտոր միջոցներ, որոնք որոշ չափով կվերացնեն անոթների փխրունություն: Լիարժեք բուժման համար խորհուրդ կտայի դիմել պրոկտոլոգի:

Հարգելի Janna, բարև Ձեզ: Թութքի առաջացումը հղիության ընթացքում հաճախ է հանդիպում: Ձեզ մոտ այն սկզբնական փուլերում է: Հղիության ընթացքում շատ միջոցներ հակացուցված են: Կարող եք օգտագործել "Չիչխանի" յուղով մոմեր, և "Հեպատրոմբին Գ''-ի մոմ, կամ քսուք: Հնարավոր է ծննդաբերությունից հետո հանգույցն ավելի արտահայտվի, հնարավոր է նաև, որ փոփխություն չլինի: 

Հարգելի Karina, բարև Ձեզ: Ուղիղ աղու ճաքի վերջնական բուժումը վիրահատական է: Մոմիկների, դիետայի միջոցով ուղղակի կմեղմացնեք վիճակը: Ցավը մեղմացնելու համար կարող եք օգտագործել "Ռելիֆ Ադվանս" մոմեր:

Հարգելի Nare, բարև Ձեզ: Եթե նշված միջոցները չեն օգնում, առավել ևս վիճակն ավելի է վատացել,  բժշկի դիմել միանշանակ հարկավոր է: Ինքնաբուժությամբ զբաղվել Ձեր դեպքում արդյունք չի տա, նույնիսկ ավելի կվատացնի վիճակը:

Հարգելի Any, բարև Ձեզ: Այո կարող եք նաև քսուքն օգտագործել:

Հարգելի Any, բարև Ձեզ: Ավելի հավանական է, որ դա ոչ բորբոքված, մեծացած թութքային հանգույց է, այդ պատճառով ցավեր կամ արյունահոսություն չի եղել: Նախնական էտապում թութքը դեղոորայքվ կարելի է բուժել: Նախ հարկավոր է հետևել սննդակարգին, խուսափեք չոր, կծու, թթու սնունդից, այն գրգռում է: Կարող եք օգտագործել  "Հեպատրոմբին Գ" -ի մոմիկներ, ամեն օր, երեկոյան քնելուց առաջ, մեկ շաբաթից 10 օր: Եթե կնկատեք թութքի մեծացում, արյունահոսություն, հարկավոր է դիմել բժշկի:

Հարգելի Hasmik, բարև Ձեզ: Ռելիֆի մոմիկներ հղիության կամ կրծքով կերակրման ընթացքում կարելի է օգտագործել միայն բժշկի նշանակմամբ: Խնդրում եմ մանրամասնեք կոնկրետ ինչ մոմիկների մասին է խոսքը, տարբեր մոմիկներ ունեն տարբեր բաղադրություն, հետևաբար հակացուցումները ևս տարբեր են:

Հարգելի Alla, բարև Ձեզ: Անզգայացման տարբեր եղանակներ ունեն իրենց ցուցումները և հակացուցումները: Որոշ փոքր ծավալի վիրահատություններ կարելի է անցկացնել նույնիսկ տեղային անզգայացման տակ: Թութքի լազերային վիրահատության ժամանակ հիմնականում ընդհանուր անզգայացման կարիք չի լինում, վիրահատությունը կատարվում է սպինալ անզգայացման պայմաններում, եթե իհարկե սպինալ անզգայացման համար հակացուցումներ չկան: Բացի այդ սպինալ անզգայացման դեպքում հետվիրահատական ընթացքն ավելի թեթև է: 

Հարգելի Artak, բարև Ձեզ: Ձեր նկարագրածը նման է պապիլոմայի, սակայն պապիլոմայի դեպքում ցավ որպես կանոն չի լինում: Չի բացառվում, որ թութքային հանգույց է, արտաքինից: Խորհուրդ կտայի դիմել պրոկտոլոգի: Քանի որ կոնկրետ չգիտենք ինչ գոյացության հետ գործ ունենք, որևէ բուժում առաջարկել խելամիտ չի լինի:

Հարգելի Narek, բարև Ձեզ: Կախված հիվանդության կլինիկական դրսևորումներից բուժումը տարբեր է: Կոնկրետ ինչ գանգատներ ունեք. ցավ, արյունահոսություն, դիսկոմֆորտի զգացում և այլն: Խնդրում եմ ավելի մանրամասն գրեք, կփորձենք օգնել Ձեզ:

Հարգելի Ռուզան, բարև Ձեզ: Ձեզ մոտ բացի թութքից առկա է նաև հաստ աղու բորբոքում, որը նեղ մասնագիտական բուժում է պահանջում: Բացի այդ թութքի ժամանակ ցուցված միջոցներից որոշ մասը չի կարելի կրծքով կերակրման ժամանակ: Խորհուրդ կտայի դիմել պրոկտոլոգի և լիարժեք բուժում ստանալ: Տանը կարող եք օգտագործել չիչխանի յուղով մոմիկներ, երիցուկի, խատուտիկի թեյ, օրը միա քանի անգամ: Դրանք ունեն հակասեպտիկ ազդեցություն: Շատ օգտակար է ակնամոմը (пропрлис) կարելի է պատվիրել մոմիկներ:

Հարգելի Lia, բարև Ձեզ: Եթե թութքային հանգույցն արյունահոսում է, դա բորբոքման և անոթների փխրունության մասին է վկայում: Ցանկալի է անոթների էլաստիկությունը բարձրացնող միջոցներ օգտագործել, օրինակ դիոսմին պարունակող, բայց միայն բժշկի նշանակմամբ: Տանը կարող եք "Ռելիֆ Ուլտրայի"  մոմիկ կամ քսուք օգտագործեք: Հետևեք սննդակարգին, խուսափեք կոշտ, յուղոտ սննդի օգտագործումից: Օգտագործեք շատ միրգ, բանջարեղեն և կաթնամթերք:

Հարգելի Karine, բարև Ձեզ: 5 տարին քիչ ժամանակահատված չէ, այսինքն Ձեզ մոտ թութքը խրոնիկ բնույթ ունի: Այս դեպքում կախված արտահայտվածության աստիճանից բուժումը տարբեր է: Եթե ցավերը հաճախակի չեն, արյուն չկա, դա նշանակում է, թութքային հանգույցները բորբոքված չեն: Եթե արտաքինից շոշափվում են մեծացած հանգույցներ, հնարավոր է կոնսերվատիվ միջոցներն անարդյունավետ լինեն: Առաջին հերթին հարկավոր է փոխել կենսակերպը, ֆիզիկական ակտիվությունը, սպորտը շատ օգտակար են: Բացի այդ կարևոր է ճիշտ սննդակարգը, խուսափեք յուղոտ սննդամթերքից, կոշտ սնւոնդը ևս ցանկալի չէ: Օգտագործեք բջջանյութով հարուստ սնունդ, կաթնամթերք, ապուրներ, ոչ կոշտ սնունդ: Օգտակար է չիչխանի յուղով մոմիկները: Ցավերի ժամանակ կարող եք օգտագործել անեսթեզինի մոմիկներ: